Akizungumza leo Ikulu Jijini Dar es Salaam, wakati akikabidhiwa ripoti ya Uchaguzi ya Mwaka 2015, na Tume ya Taifa ya Uchaguzi (NEC), Dkt. Magufuli amesema kuwa endapo marekebisho mengine yatajitokeza basi watarekebisha ili kamalizia suala hilo.

Rais Magufuli amesema kuwa licha ya juhudi kubwa iliyofanywa na Rais wa awamu iliyopita pamoja na Tume ya Mabadiliko ya Katiba iliyo chini ya Jaji Warioba hana budi kumalizia mchakato huo kwa faida ya watanzania wote.

Rais Magufuli amesema kuwa pamoja na kuundwa kwa katiba hiyo mpya amewatoa wasiwasi viongozi wastaafu wakiwemo marais na mawaziri wakuu kuwepo kwa uwezekano wa kushtakiwa na kusema suala halipo na atawalinda kwa kuwa wamefanya mengi mazuri katika awamu zao.


Post a Comment

 
Top