Sep 12, 2016

Jose Mourinho Amshukia Mwamuzi Baada ya Kichapo Cha Man City

Manchester, England. Kocha Jose Mourinho amemshutumu mwamuzi Mark Clattenburg kwa kuinyima Manchester United penalti mbili za wazi wakinyukwa mabao 2-1 na Manchester City kwenye Uwanja wa Old Trafford.

Mourinho alijiridhisha kuwa mwamuzi Clattenburg alitakiwa kumtoa kipa Claudio Bravo kwa kadi nyekundu na kuipa Manchester United penalti baada ya kipa huyo wa Manchester City kumchezea vibaya Wayne Rooney kipindi cha pili, huku pia mwamuzi akikataa kuipa Manchester United penalti nyingine wakidai Nicolas Otamendi alinawa mpira. “Tumeumizwa na Mark kwa uamuzi wake mbaya wa kipindi cha pili,” alisema Mourinho.

“Najua sheria za mchezo huu. Bila ubishi ile ilikuwa penalti na kadi nyekundu kwa Bravo. Kama ni nje ya eneo la hatari, ingekuwa ni mkwaju wa adhabu na kadi nyekundu. “Kulikuwa na uwezekano mkubwa wa mchezo kumalizika kwa sare ya mabao 2-2 muda mrefu, lakini kwa sasa tunazungumza kitu kingine.”

Mourinho pia aliwashukia baadhi ya wachezaji wake Jesse Lingard, Henrikh Mkhitaryan na Paul Pogba akidai kuwa walikuwa wakicheza kwa uwezo binafsi zaidi na kukataa kufuata maelekezo yake.

“Niliwaambia walipokuwa mapumziko kuwa baadhi yao wanajaribu kufanya mambo ambayo niliwakataza, walikuwa wakicheza kwa uwezo binafsi zaidi,” aliongeza kocha huyo wa Ureno.

Bonyeza HAPA Kudownload Application ya Udaku Special Blog Kwenye Simu Yako

Share:

0 maoni:

Post a Comment

Trending News

Copyright © Siasa Huru | Powered by Blogger Design by JK | Blogger Theme by JR