Nov 11, 2016

Makonda Asema Alisomeshwa Chuo na Marehemu Sitta Baada ya Kuacha Kufuatia Kukosa Ada

Bila marehemu Samuel Sitta, Paul Makonda asingekuwa hapo alipo leo hadi kuwa mkuu wa mkoa wa Dar es Salaam.

Akizungumza Ijumaa hii kwenye shughuli za kutoa heshima za mwisho kwa spika huyo wa zamani wa bunge aliyefariki wiki iliyopita akiwa nchini Ujerumani kwenye matibabu, Makonda amesema wakati anasoma chuo cha Ushirika Moshi, alikosa ada ya kuendelea na masomo na kuamua kwenda kumtafuta Mzee Makamba amsaidie.

Amesema wakati akiwaeleza viongozi mbalimbali wa CCM kuhusu shida yake, alikutana na mheshimiwa Sitta ambaye baada ya kumsikiliza alimuahidi atamsomesha. Mheshimiwa Sitta alimsomesha Makonda hadi kumaliza chuo na alianza kumchukulia kama mwanae ikiwa ni pamoja na kumtambulisha kwa familia yake.

Makonda amesema Mzee Sitta aliendelea kumlea hadi kusimamia harusi yake. Anasema alijifunza mengi kutoka kwa marehemu Sitta ikiwemo tabia yake ya unyenyekevu.

Bonyeza HAPA Kudownload Application ya Udaku Special Blog Kwenye Simu Yako

Share:

0 maoni:

Post a Comment

Trending News

Copyright © Siasa Huru | Powered by Blogger Design by JK | Blogger Theme by JR